Guyana got problems wid dem stelling. One float away and de day when it fall down some government officers was sleeping pun it waiting fuh a boat. Dem boys seh that when de thing shake one of dem believe that he was in a hammock. Is only when he partner who did get up fuh pee realize that was de stelling that he wake up everybody or all of dem woulda deh swimming till now in de Pomeroon River,Wholesale Jerseys Free Shipping,.De next stelling was de one at Supenaam. That was de most expensive—$600 million. Dem boys seh that dem coulda build it fuh less than half. It bruck down and nearly throw a truck in de river. It bruck up before it open.But yesterday,Wholesale NFL Store, after dem switch back to de old stelling was de same story. A truck fall overboard. De hammer Minister claim is obeah. BK claim is retribution and de truck driver blaming BK and de Hammer Minister fuh all he losses.De man seh that if he nah get reimburse dem gun really know what is obeah. He gun go and bring back dem same pandits from India.Now nobody going by boat. Suh dem waiting fuh de airstrip that Bharrat promise Leguan and Wakenaam. That is already a problem.But dem boys still waiting fuh dem solve de problem wid de truck and de crossing.Talk half. Lef half.