Mash come and gone but some people still wondering wha happen mek de government let de cat out de bag bout de future plans fuh de Marriott.All de time de same government was telling de nation that de hotel was to give Guyana a proper hotel fuh when dem foreigner come.Jagdeo claim how dem other hotel don’t have class and how some of dem stink. What he didn’t tell people was who was really building de Marriott.He talk bout foreign investors but he get Brazzy fuh seh that dem can’t name anybody because dem got to wait till de deal finalise. Well is almost a year and de hotel under construction and dem still can’t name de private investors.Luncheon get ketch because he believe that dem government did announce de investors.That is why he tell dem reporters that de government only building de hotel as a means of helping and when it done and everybody mek sure that it wukking,cheap jerseys from china, de same government gun hand it over to de private investors.But from de inception dem boys know that Jagdeo friends was de ones who was putting money in de hotel. Some even seh that Jagdeo and all putting money in de hotel.Suh when Luncheon tell dem reporters that de government gun hand over de hotel to dem private people he was really talking about handing over de hotel to Jagdeo friends and perhaps Jagdeo heself.Now that is de thing. Dem boys want to know is how much money Jagdeo and he friends got.Dem know that dem same kavakamites hate Badal fuh buying de Pegasus because dem did want to buy de hotel fuh demself.After de story buss out nuff people start fuh whisper among demself. Couple of dem cuss Luncheon fuh talking out of turn. De one thing is that dem can’t knock he off and he got more to talk.Talk half and wait fuh more disclosures.