Muslims don’t pay pilgrimage to graves because dem seh that it against de religion. Dem celebrate de life of de person but not his death. However,Cheap Jerseys From China, in Guyana some of dem Muslim had to go. But dem go as protesters.Everybody was to wear red but Moses wear black. Sam didn’t get to buy a plain red shirt so he go wid stripe. Dem boys seh that he too was protesting. Robeson wear blue. Dem wasn’t de Muslim protesters though. Now that de celebration done is time fuh de observance of life. De Waterfalls boss man celebrating he birthday today and he want gifts.Dem boys seh that he don’t want anything fancy because he know that anybody who want more than dem can spend or enjoy is greedy and he is not a greedy person.But he begging. He ain’t begging fuh much all he want is fuh some of dem who got nuff money to help sponsor a school in India. He ask Bharrat who find he family in India. That was a thing and a half. All he family did want to come to Guyana because dem had a relative who is a big one. But dem didn’t have de money fuh de fare and Bharrat didn’t want to pay.Well de Waterfalls boss man want he to give US$365 fuh support one school. Dem boys seh that de money is not even sweetie money fuh Bharrat.Glenn going to collect de money heself today. He walking wid all dem media house because Bharrat got to get de publicity. If he give is publicity and if he don’t give is more publicity.Talk half Lef half.