Five men try a thing. Dem decide fuh mek money by tekking other people money. Dem lef town and go to Mahaica and rob some people. Somebody had to talk bout de people who get rob because de five wait till de people come home. Dem shoot up but dem didn’t shoot nobody. Then dem mek dem getaway.Dem didn’t bargain that de people gun follow dem and call de police at de same time suh when dem reach Cove and John dem butt up wid a roadblock. Dem panic and crash into two car then dem butt up wid de police gun.That is why people does always seh that you loaf better than de other man own. Under normal condition dem woulda deh fuh walk wid dem friends and tek a drink when Christmas come. Dem woulda eat all kinda of things because some people woulda got different things in dem house.Now dem put demself in a situation wheh dem got to drink water down ginger beer and some stale black cake if de prison warder decide to give dem any. And if dem weak then dem gun got to be somebody wife this Christmas.That is why dem boys does always seh that while it does look like if crime does pay because some people does get away wid it,Cheap China Jerseys, it really don’t pay. All of dem who doing crime by thiefing de people money gun wake up one morning and holler.Some of dem already trying fuh see if doctor can save dem. All de money that dem thief dem got to pay doctor.Some of dem got heart problem but dem frighten to go to de States because dem believe that de people gun put dem in de pumpkin jumpsuit.That is if dem can eat de food dem like because in jail is not like a restaurant wheh you can order wha you like. Dem got one who thief and got nuff property and he crying every day because he can’t even enjoy one of dem because he sick.Talk half and walk de straight and narrow or you gun drink sour ginger beer and wear de pumpkin jumpsuit that is one size fit all.
