Hydrocele or wha dem boys does call hydro seed did almost disappear from Guyana but de way some people hustling de money that come in fuh help de people it look like if dem want bring back that thing.Dem put something in de hospital and dem claim how de thing cost two times de real cost. When dem boys ask bout de cost dem same people claim how de foundation was expensive. Well is things like that does mek Uncle Donald can’t sleep because he don’t know wheh to start fuh clean up.De thing start wid Leslie and then another man tek over. Dem other man realize that he lose out at de start suh he fall in pun de foundation.Dem boys seh that it look like if dem same scampish people want dem boys to put dem in de same hydroclave and destroy dem just like how dem destroy de hospital waste and like how dem want Uncle Donald destroy dem.And talking bout destroy,wholesale jerseys, dem boys seh that Shaatie planning to mek adjustment to de budget to protect certain people. He try a thing fuh hide some of de money that guh inside people pocket.AFC and Grinnidge done plan fuh ask some serious questions bout Amaila and de money wha was to collect from de Santa complex.Dem also plan fuh ask bout de electricity situation. Dem boys find out that dem pay rent money when dem had money to buy. Dem boys seh that it had to be that somebody cut a deal.And talking bout deal dem boys hear that a certain man planning fuh buy another house to add to de set that he got. He get vex when dem boys talk bout de one he got pun de West Coast? but since then he got one in de city,Wholesale Baseball Jerseys 2018, one near UG and some other.All that gun come out in de budget and Shaatie planning a defence.Talk half and watch out fuh de other half.
