Success has many parents but failure is an orphan. That is one old saying. Dem got another one. Who do good hold wood. Well de people who mek de cocaine bust really hold wood and is good wood.De scanner show up something and de people decide to hold up dem container but dem watch to see who gun tun up to check. When dem search dem boys hear that was CANU. But de dust hardly settle before other people claim how is dem find de cocaine.De Forestry people seh that is dem find de cocaine but dem is de same people who claim that de people mek illegal shipments out of de country. De police claim how dem see de people drilling hole in de wood but dem didn’t seh nutten because dem was watching.But is Khurshid who put out a statement and mek de biggest claim. He claim how since January he keep de containers fuh check again because he suspect something was wrang. He then claim that he find de cocaine.Well dem boys seh that is like a nice woman. All dem man who she talk to does claim how dem know she good. Dem does boast and every chance dem get dem does try fuh walk and show off.But as soon as de news come that de woman sick wid something all dem men does suddenly pretend dem don’t know de woman,Discount NFL Jerseys, that was joke dem was mekking.De cocaine is like de nice woman; all de people like how she look and dem want to be associated wid she. Now dem boys waiting fuh see wha gun happen. Dem know that nuff time people find cocaine some of de cocaine does end up back wid de people who had it in de first instance.Khurshid seh that he people know that does happen suh he call everybody fuh weigh de cocaine and count how much package. But dem did do de same thing when dem fetch cocaine fuh tender and court and cocaine disappear. That was de police and to this day people still looking fuh de missing cocaine. Talk half and look fuh more wood.