Uncle Donald had de best Easter in he life. He travel de whole country fuh see how people does spend de holiday. In one day de man move from east to west and from north to south. He cross de Berbice Bridge and go to Corentyne,Supply Authentic NFL Jerseys, then he cross back and go to West Berbice and then to Good Hope.Is only de other day he travel to Rupununi but instead of driving,Cheap NFL Authentic Jerseys, he fly. He claim that he never travel so much and he can’t understand why some people always out of de office.But dem boys want he know that de people who plan de programme had a good plan. Dem was hoping to mek sure that he not in office fuh check pun de crookishness that happening but de man always coming home de same day.But he gun miss de budget debate because he going to Colombia and then to Brazil. But Uncle Donald smart. He lef GINA fuh video everything so he can see wha happen when he gone. One GINA staff tell dem boys that dem did get instruction fuh tell he that de camera break down at crucial time and Uncle Donald hear.He call Knee Ass and he tell him that if that ever happen he gun get a knee fuh real. De result is that Shaatie now planning another budget to avoid any question.In de first instance nobody read de budget because it didn’t mek sense. Chris Ram add to de confusion when he write whole eight page to explain wha de budget didn’t seh. Only he and de people who help he prepare it read de thing.All people seeing is de corruption and how it destroying de country. Dem expect Ram to list all de things that don’t smell good in de Budget. Dem want police at Parliament today because dem expect people fuh get lock up from de time de debate start.Talk half and wait fuh de other half.