People don’t like see big man cry but that was de case de other day when a man decide that he rather tek down he roadside stall before Robeson tek on de wuk. He claim how he get permission but that he lost de paper.Dem boys seh that dem watch de man tek down de stall piece by piece,Jerseys NFL Cheap, crying all de time.What dem didn’t know was that de man was renting de stall fuh a hefty piece and that he got to pay back some money to he tenant.But that is nothing compared to de hotel situation. Bharrat tekking money from de Pegasus because he got four per cent in de hotel yet he still trying to shut it down. Dem boys seh that he got nuff money and that de Pegasus change is a small change and that de Marriott gun bring in real money.But de man who own de Pegasus seh that he gun meek de Pegasus a place to be. He seh that he gun match de Marriott nail fuh nail. If de Marriott get a boardwalk de Pegasus gun get one. If de Marriott gun have a casino then de Pegasus gun introduce chic chic because it know that it wouldn’t get a licence.Dem boys building a hotel too. Dem got dem eye pun de seawall bandstand and dem gun put in two bed. There will be no shortage of short time accommodation. Princess Hotel gun be de leader in this area. Marriott dead. That is wha dem boy seh. Talk half. Lef half.