Dem have a big shake up at Office of de President but de story ain’t coming out because dem people can keep a secret. Bright and early yesterday one of dem boys hear that a big adviser to Bharrat get send home.Before this bygone dem had a man who use to walk wid he chest in de air. Of course this one wuk at all dem Ministries and no Minister want to keep he. De last place he wuk was Office of de President and even dem couldn’t keep he. He deh pun de road now.But this one was something else. He was a Minister and then he tun a big adviser. De news come that he get orders to clear out he desk. De man do this thing in de night suh people wouldn’t see he getting put out.Suh,Cheap NFL Jerseys China, according to dem boys,Wholesale Authentic Jerseys, whole day yesterday people see de office lock up and de man ain’t show up. When people ask all dem hearing is a whisper and nutten. Dem boys also see some frighten face.But de man wife also wukking there and dem boys want to know why she and all stay quiet.Nobody ain’t talking but dem boys seh that dem man mek some statement at de Stadium when dem play some 20/20 cricket match and people go back and tell Bharrat. De statement had to do wid third term and of course Bharrat don’t like people laugh hen dem talk bout that.News does spread. People in Berbice calling town to find out wha happen and dem in town frighten to answer because dem claim how de government tapping dem cell phone. One man even borrow he son phone to mek a call to a friend who been using he sweet woman phone.Dem boys know Shiv Chanderpaul deh in Australia but dem ain’t know wheh Navin deh.Talk half. Lef half.