Robeson been to de North West to inspect some works and he fall down. He is not de first person to fall down but he was de most famous to tek that fall in de North West.He knock he back and he groan. Dem boys seh that is a good thing a man who does fix up Caterpillar engines been nearby. He pick up Robeson and put he fuh sit down.Dem mek a phone call to Donald who ask dem if dem want a plane to medevac de Minister but Robeson heself tell Donald that dem got more serious thing to do.He seh that if people hear bout de fall then instead of calling he de hammer man dem gun call he de fall guy.Well things get bad because de people at de airport did hear bout de fall and dem was crying. In fact,China Jerseys, dem boys seh that dem was crying so much that dem didn’t see two plane heading to one another. And one of dem had Robeson.De pilot dem manage to dodge one another and that was when one of de people pun de plane tell Robeson that if a man come fuh bun he can’t drown.Well whole day Diwali day Robeson been looking fuh a good obeah man to get a read. He want to know how he gun end up.And while he was doing that dem had some people close to Donald who been walking round wid money to pay people to vote fuh de anti-money laundering Bill. Khemraj tell dem boys that de people come to he and he chase dem.De same two meet wid Granger people and now people waiting to see who tek because dem got to vote when Thursday come. De money come from de set that some people trying to launder before de hammer fall pun Guyana.? Things starting to fall like a deck of cards.Is not by accident that all of a sudden people building some big edifice. De money don’t mean nutten.Talk half and watch how things gun fall into place soon.