People use to talk bout how expensive to dead,China Stitched NFL Jerseys, that it cheaper to live. See En tell people that he gun help mek things cheap fuh all who dead. He gun do de death announcement really cheap.He start and de thing ketch on. Before then was de radio. People use to listen to de radio fuh wha dem boys call jumbie hit parade.Who didn’t have dem own radio use to call out to dem neighbour fuh tun it up. Children had to ketch dem corner. Even de police use to use de jumbie hit parade fuh call people.See En knock out de radio. Other people who got TV tek up de thing and things guh nice fuh everybody but See En use to mek de money—more money than fuh any programme.Well dem boys seh that he eye get big. He raise de price. He charging $30 fuh every word and all who want hear who dead got to pay.De thing is that he pocketing all de money. He ain’t raise de pay fuh dem people who got to type in de death announcement.Dem boys seh that de man might try fuh open a funeral parlour. Then he gun tell people that once he get de dead all de death announcement gun be fuh free this time he gun tag it on pun de cost of de funeral.But fuh now de man singing “All is mine” just like de Bajan who see coins in de fountain.But Rob-Bert plan to check de dance. Dem other TV stations too. Rob-bert charging half of what See En charge and dem other TV station giving way free death announcement.Dem,Cheap NFL Jerseys China, boys want see how long See En gun stay wid he increase.Talk half. Lef half.